Welcome to معمل الإسراء للتحاليل الطبية

مين يعرف فصيله دم اسمها (Bombay blood group)
دى اندر فصيله دم فى العالم وتتراوح نسبتها من 4 الى 5 شخص لكل مليون نسمة ، اكتشفت في مدينة بومباي بالهند و ده سبب التسميه
و عشان نفهم الفصيله دى تعالو نتكلم الاول عن انتيجينات فصائل الدم
فى 3 جينات بتتحكم فى انتاج تلك البروتينات (الانتيجينات على سطح الخليه الحمراء)
الجين (H) و ده بينتج ال (H antigen) و دى الماده الاوليه اللى بينتج منها الانتيجين A  او B
الجين (A) و ده بينتج انزيم اسمه (glycosyltransferases enzyme) و ده بيضيف ال (N-acetylgalactosamine) للانتيجين H مكونا الانتيجين A
الجين (B) و ده بينتج انزيم اسمه (glycosyltransferases enzyme) و ده بيضيف ال (galactose) للانتيجين H مكونا الانتيجين B

اذن الشخص اللى عنده الجين A   <<<  يبقي فصيلته  A   (و حيتكون عنده اجسام مضاده b)
الشخص اللى عنده الجين B   <<<  يبقي فصيلته  B   (و حيتكون عنده اجسام مضاده a)
الشخص اللى عنده الجين A  و الجين  B <<<  يبقي فصيلته  AB   (و لن يتكون عنده اى اجسام مضاده)
الشخص اللى معندوش الجين A  او الجين  B <<<  يبقي فصيلته  O   (بمعنى ان خلايا الدم الحمراء عنده تحمل الانتيجين H بدون تغيير)   ,,,,,,, (و حيتكون عنده اجسام مضاده a,b)
.................................
فى بعض الاشخاص بيبقي عندهم الجين (H) مش بينتج ال (H antigen) لان ال (genotype) عندهم متنحى (hh)
الناس دى حتى لو عندها الجين (A) او الجين (B) المنتج الانزيمى بتاعهم مش حيلاقي ال (H antigen) اللى بيشتغل عليه و بالتالي مش حيتكون عندهم الانتيجين A او B
و بالتالي حيظهروا فى التحليل الخاص بالفصيله على انهم فصيله (O)
طيب ايه الفرق بينهم و بين الاشخاص اللى فصيلتهم (O) ؟
الفرق فى الاجسام المضاده اللى بتبقي عندهم
الفصيله (O) بيتكون عندها اجسام مضاده a,b زى ما قولنا
اما الفصيله (Bombay) بيتكون عندها اجسام مضاده a,b بالاضافه الى الجسم المضاد (h) لان معندهمش ال (H antigen)
و لذلك مشكله الفصيله دى انها مش ممكن يتنقل لها دم من اى فصيله اخرى (و الا حدث (transfusion reaction نتيجه وجود ال (anti-H) عندهم
يعنى مينفعش يتنقل دم للفصيله (Bombay) الا من شخص فصيلته (Bombay) ايضا